Former World Heavyweight Boxing Champion
NELSON MANDELA

GERRIE COETZEE

© GERRIE COETZEE 2010-2017
INDEX PAGE
NEXT ARTICLE
PREVIOUS ARTICLE
Beeld: Dinsdag 25 Februarie 1992 Nelson oor pap en dinge wat hy nooit kon sê nie. Tim du Plessis. MIELIEPAP   is   Mnr.   Mandela   se   gunsteling   kos.   Die   kos   van   die   beste   restaurante   en   hotels   in   Europa   hou   wat hom   betref   nie   kers   vas   vir   mieliepap   nie.   Daardie   deftige   kos   “gaan   na   my   bloed   toe”,   terwyl   mieliepap   “na my maag toe gaan”. Mnr.   Nelson   Mandela   sê   hy   eet   feitlik   geen   rooi   vleis   nie.   Hy   eet   meestal   vis   en   af   en   toe   hoender.   Saam   met die kos verkies hy mieliepap en nie rys nie. Hy is baie lief vir boontjies en eet dit meestal vir aandete. Hy   gebruik   geen   alkohol   nie,   behalwe   af   ent   oe   by   ñ   onthaal,   wanneer   hy   toelaat   dat   hulle   vir   hom   ñ   glas halfsoet wit wyn skink, waarvan hy ñ klein bietjie sal drink. MNR.   Mandela,   wat   in   sy   jong   dae   ñ   kranige   amateur-bokser   was,   het   steeds   ñ   lewendige   belangstelling   in sport.   Hy   sê   hy   volg   die   loopbane   en   gevegte   van   Suid-Afrikaanse   boksers   baie   noukeurig.   “Tog   sal   dit ondiplomaties   van   my   wees   om   te   sê   by   watter   individuele   boksers   my   steun   lê,   onder   meer   omdat   dit   die ondersteuners   van   ander   boksers   kan   antagoniseer.   “Daar   is   verskeie   voormalige   wit   bokskampioene   wat   ek nooit   anders   kon   as   om   te   ondersteun   nie,   al   was   dit   baie   stilletjies.   Ek   kon   dit   nooit   sê   nie,   want   ons   was gekant daarteen dat buitelandse boksers na Suid-Afrika kom.” “Vat   nou   ñ   man   soos   Gerrie   Coetzee,   hy   het   ñ   bruin   seun   gehelp   om   te   vorder   in   boks.   Hy   het   gereageer   op die   versoek   van   die   seun   se   pa   in   Kimberley,   wat   op   sy   sterfbed   vir   die   seun   gesê   het:   “Ek   wil   hê   jy   moet   ñ bokser   wees,   gaan   na   Gerrie   Coetzee   en   vra   hom   om   jou   te   help.”   “Gerrie   het   dit   gedoen   en   die   seun Amerika   toe   gebring.   Ek   het   nog   altyd   van Gerrie Coetzee gehou, al was ons daarteen dat hy teen buitelandse boksers boks, het ek hom stilweg ondersteun.” Mnr.   Nelson   Mandela    sê   hy   het   ñ   gunsteking-sokkerspan,   maar   het   gevra   dat   dit   nie   genoem   word   nie.   WAT   rugby   betref,   sê   hy,   hy   kom   van Kaapland. “Op een of ander manier lê die Westelike Provinsie my na aan die hart, al kan ek dit nooit in die openbaar sê nie.” Hy   hou   baie   daarvan   om   te   stap   en   klim   graag   die   rantjie   agter   sy   huis   in   Soweto   uit,   maar   hy   word   aan   bande   gelê   deur   veiligheidsmaatrëels. Die veiligheidsmaatrëels belemmer sy persoonlike vryheid erg. ñTyd   gelede   was   daar   inligting   dat   sy   huis   aangeval   sou   word   en   hy   moes   padgee   uit   die   huis.   Dit   het   tot   gerugte   gelei   dat   daar   spanning tussen    hom    en    sy    vrou    was    omdat    hy    nie    tuis    was    nie.    “Ek    moet    my    egter    neerlê    by    die    veiligheidsmaatrëels,    waaroor    sie   ANC    se sekuriteitsmense ten nouste met die SA Polisie saamwerk.” Naweke   gaan   werf   Mnr.   Mandela   self   lede   vir   die ANC.   “Dit   is   ñ   goeie   ding,   want   dit   is   die   beste   manier   om   jou   in   fisieke   kontak   met   die   mense te bring. Ek wil hê al die lede van die Nasionale Uitvoerende Komitee van die ANC moet dit doen.” Mnr.   Mandela   sê   sy   gesondheid   is   betreklik   goed   vir   iemand   van   sy   ouderdom.   Daar   is   egter   kommer   oor   die   uitwerking   wat   die   talle vliegtuigritte op hom het. “Ek   het   na   al   die   jare   nog   nooit   aan   die   stadslewe   gewoond   geraak   nie   en   verlang   na   die   Oos-Kaapse   platteland,   waar   ek   groot   geword   het, maar ek aanvaar dat ek nou onvermydelik ñ stadslewe moet lei, hoewel ek ñ plattelandse bestaan sal verkies.”
nelson mandela